الخميس، 21 فبراير، 2013

الاذاعة المدرسية

منتديات بنات كوول
بنات كوول موقع بنات و منتديات نسائية تهتم بكل جديد بعالم حواء ازياء, موضة, فساتين, العاب, دليل, نغمات, فيديو, يوتيوب, صور, فوتوشوب, اسلام, وصفات طبخ, برامج, والمزيد
الاذاعة المدرسية
Feb 21st 2013, 11:03

الاذاعة المدرسية وما ادراك ما الاذاعة المدرسية

يا جماعة بجد انا مشتائة ارجع لايام المدرسة .. عنجد كانت ايام حلوة .. تعو نتزكر بعض نهفات المدارس

فاكرين لما كان في كل يوم نعاني من شي يومي كان اسمو الطابور الصباحي .. من اكتر الاشياء الي كانت تستفزني بجد هي الرياضة الصباحية .. كانت الرياضة تعملي تشنج بالعضلات من صوت الاستاز .. اماما .. جانبا .. عاليا .. اسفل خفض .. و بعدين مش اسفل عادي هيدا اسفل خفض .. هيدا من اقوى نوع يا جماعة ,, هيدا الاسفل خفض بمدرستنا بس .. مش موجود عند المدارس التانية .. هوي بس حصري عنا بالمدرسة .. و هيدا كوم و نط الاولاد و بنادو هييييييييييييييييييييييييييييييييي و نط ولك نط .. يا ابن ال ..... توت توت ..... نط نط يا ابن الذيني نط نط ولك الله محي اصل الي جابوك ... بتلاقي المدرسة كلها قلبت معسكر و طبعا نحنا البنات بنطلع انو شبون هاولي الشباب اكيد جنو .. والاستاز بيجي و بسالك ولك شو فيه شو فيه ليش بتنطنطو و انتي يا بنت شوبكي مسطلة صحصحي بلاش اعطيكي هوايتين ع جنب و تزعلي.. و فجاة بيجي هيدا الطالب الي بعمول حالو زكي و انو اشطر واحد بقلو .. استاز اصل زياد نط من فوء السور و هرب و جعفر اه هيدا جعفر شو اسمو سب على فادي وقلو يا اخو ال .. توت توت ... !!!!!!!!!!!!!!!!!!! < انو ليش هالفلسفة وانت مال اهل الي خلفوك .. يشتمو بعض ينطو ينطنطو هنن حرين انت شو مال اهلك

و الاحلى من هيك الاستاز برد رد حلو بقلك .. شووووووووووووووووووووووووووووووووووووووووووووووووو ووو .. يا ملعون ابوكون انت وياه والله لاربيكون والله لاعمل و اعمل فيكون والله لخلي المدير يفصلكون يا ولاد الكلب عم تغلطو ع بعض يا وساخ يا اندال !!! < استاز مش ملاحظ انو انت كمانا اعد عم بتسب عليون برضو !!!

والاحلى احلى من هيك لما المدير بتصل على اولياء الامور .. الو ابو محمد ابنك بنط و غلط و قال و عمل و سوى و لازم تيجي ضروري .. الو مرحبا ابو براءة بنتك كانت واقفة لما الشباب كانو عم بنطو و ما خبرتني وكانت عم تشجعون ووالخ .. !! و فجاة يا جماعة بتلاقو بابا صار ينط و كل فلسطين صارت تنط .. و حتى الكرة الارضية من قوة النط صارت تغني غنية الدنيا صارت من تحت لفوء .. من تحت لفوء !! < فعلا تبا لك يا استاز

و هيدا الاستاز هوي نفسو نفسو كان عاملي عقدة بحياتي .. كنت اكره شي اسمو مدرسة منو .. كان دايما كل صبح في الطابور يمسك المايك .. يا بنت الاغا انتي يا براءة انتي يا محترمة ولي زبطي فستانك .. تاني مرة بتيجي ببنطلون تحتيه ما بدي شوفك لابسة فيزون فهمتي .. ولى انتي يا براءة يا محترمة تاني مرة شعرك بضبيه نحنا مش في حفلة ياختي .. ولى انتي يا براءة يا محترمة بلاش تضحكي وانا بتكلم والى انتي بتعرفي شو بعمك .. ولي يا براءة يا محترمة وجهك لقدام .. ولي يا براءة يا محترمة ما تطلعي على الي وراكي .. يا محترمة بلاش تعمولي هيك !! < بتعرف يا استاز انا بلشت اكره اسمي بسببك .. وبتعرف يا استاز بسببك انا وصلت لقناعة انو يا محترمة انها مسبة و شتيمة !!

بحصة تانية مع استاز تاني تبع الدين .. هلا يا جماعة بمدرستي لما درست بفلسطين عنا ازا انت مسيحي الك حرية الاختيار ازا بدك تدرس عن الدين الاسلامي او لا و ازا انت مسلم الك حرية الاختيار تتعلم عن الديانة المسيحية او لا .. ف كل ما كانت تيجي حصة الدين الاسلامي انا كنت ضل بالصف ما اطلع مع البنات التانين .. مش حبا في المادة لا والله .. بس حبا في القعدة في اخر المقعد و اكل البزر و الضحك مع البنات .. لانو الاستاز دائما كان يفوت الصف و يقول احفظو اية النور و بكرا في تسميع .. و يقعد وينام بالحصة .. و لما يرن الجرس كان يقلي براءة انتي بجد فتاة محترمة .. !! < شو شو شو حكى محترمة .. لا لا هوي بقلي انا محترمة .. مش معقول .. استاز انا والله بنت منيحة و مش محترمة .. ما بدي تقلي محترمة استاز .. هيدي مسبة .. انا مش محترمة والله مش محترمة < اتعقدت من كلمة محترمة من استاز الاذاعة

و اكتر شي كنت بكرهو بحصة الاذاعة يا جماعة .. صيف و شتى و خريف و ربيع ..و البنت الي بالازاعة تبعت هل تعلم هي نفسها كل مرة بنشوفها لهلاتها ما خلصت الفقرة .. طول الوقت.. هل تعلم ان النملة لها اربع ارجل .. هل تعلم اننا في عصر التطور .. هل تعلم و هل تعلم .. و يا حرام نحنا الطلاب بنكون نصنا نايم و النص التاني بياكل بزر من الزهئ .. لانو هالفقرة خص نص كانت تنومنا دائما لانو بنشوف نفس الوجه تقريبا كل يوم و كل ثانية و المعلومات هي هي نفسها ما بتتغير < ولكي ما بدييييييييييييييي اعلم .. بدي ادخل الصف .. انا سحت تحت الشمس .. انا انحرقت .. ولكي بتعرفي شي هل تعلمي انو انتي بلا قافية !!! ولا احكيلك روحي اتعلمي الطبخ مع امك احسنلك من هالفقرة !!

و بعدين يا جماعة في اشياء لازم يكون الها احترامها قبل الطابور .. يعني مش كل الطلاب حافظين النشيد الوطني ..يا اخي حفظونا ياه .. تحيا تحيا فلسطين كنا نزبطها نزبطها .. بس بعد هيك كنا متل الدجاج شي بقول قااااااااااااااااااق وشي بقول فااااااااااااااااااااااق و الجهة التانية بترد علينا ااااااااااااااااااااااااااااااااه و الجهة الي مقابلينا خااااااااااااااااااااااااااااااااف خييييييييييين خنفل و بالاخر كل جهات الطوابير بتختمها بكلمة بصوت واحد عاشت عاشت فلسطين !! < بصراحة كنت حس حالي بغني في دار الاوبرا من الحناجر العريضة الرقيقة الي كنت اسمعها و الكلمات المش مفهومة .. بس يلا كنا نضيع شوي من وقت الحصة الاولى ههههههههههههه

و لا و الاحلى من هيك كان في طلاب ما يغنو .. بس يحركو شفايفون هههههههه ..بتحسون معاقين بجد .. و بعد ما نخلص النشيد يسال الاستاز مين يا جماعة حافظ النشيد الوطني .. بنصدم انا بجد بنصدم بشوفة هالطلاب هنن نفسون مش حافظين النشيد و رافعين ايديون .. < فاهمين النشيد خطا يا حلوين :)

اكتر شي كان ينرفزني و جد عصب و توصل معي للاخر .. هنن بنتين و ولد .. يا جماعة في بنت كانت هي نفس البنت تطلع من صف تالت لصف تاسع .. كل يوم تحكي نفس القصيدة بنفس الطريقة و كل الي بنشوفو قدامنا مراوح بتهوي .. بس ايدين عم تتحرك متل المراوح < يا اختي خلص خدي راحة .. خديها نصيحة روحي هوي على ابوكي وامك ما بدنا نشوفك عم تهويلنا كل صبح يلعن ابو تبا لكي !!

هلا التانية انا كنت سميها "فتاة الخطابات الحزينة" .. هي اول مرة طلعت و عملت خطاب عن الارض و حزنا و اتاثرنا و كان لطيف .. بس هي اخدت عاللون .. اخدت عاللون بزيادة .. اول مرة طلعت كانت تقول ارضنا فلسطين الحبيبة .. اخذو ارضنا.. اغتصبوها .. اغتصبوها .. اغتصبوهااااااااااااااااااااااااااااااااااااااااااا اااااااااااااااااااااا .. طبعا المدارس التانية بخف عقلها بتلاقيون بتهامسو لبعض مين الي اغتصب شو بصير بالمدرسة الي ورانا .. شو فيه في ارض اغتصبت ولا استاز اغتصب .. ولا شو !! بس اتاثرنا لانو اغتصبوها جد جد كلمة اغتصبوها كانت تراودني كل ليلة في احلامي هههههههه < مش مشكلة اتقبلنا فكرة انو انتي بتزكرينا انو نحنا على ارض فلسطين المغتصبة

لكن الاسبوع الي وراه بتلاقيه عيد العمال .. نفس الكرة بضل تقول .. العمال .. و ما ادراك ما العمال .. اغتصبوووووووووووووووووووهم .. اغتصبو عمالنا .. اغتصبوووووووووووووهم < برضو مش مشكلة متقبلين هالفكرة

بس الصدمك الكبرى كانت يوم عيد الام... !!!!!!!!!!!!!!! < جد لا تعليق ههههههههههههه

يا جماعة في التفتيش المدرسي الي كل يوم بصير في الطابور
عنا بمدرستنا كانت في هيدي الانسة تيجي تشيك على البنات و هيدا الاستاز الي بشيك على الاولاد

كانت معلمتنا المحترمة .. انتبهو هي محترمة هههههه .. تجيب معها انينة مي و الي حاطة شي ع وجها او مستشورة شعرها تجيبها عالزاوية .. و تصب عليها مي .. كانت تهوا هالشي .. كنت حسو هواية عندها .. يا عمي عنجد هادول متل امهاتنا .. بحبونا مشان هيك كل يوم بكبو مي علينا

وازا كنا لابسين شي سنسلي او حيالله شي .. دائما ياخدوهون منا و بلا رجعة .. لاحظو بلا رجعة بحجة .. الي بناخدو منتبرع فيو للفقراء < طيب انا ما بدي اتبرع بشي انا حرة انا حرة يا عمي ما بدي اتبرع ما بدي اعمول خير .. شو دخلك فيني انتي و ليش تاخدي اغراضييييييييييييييييييييي !!!

و في هيدا الاستاز الي كان يوقف الشباب .. انت ولى بكرا بتقص شعرك .. انتا ولى بكرا بتقص ضوافرك .. انت ولك بتجبلي ولي امرك بكرا .. انت ولك يا ملعون الي خلفوك كم مرة قلتلك لا تلبوس هيك .. < انا حر انا حررررررررررررررررررررررررررررررر ما بدي قص شعري .. انا شعري بدفيني يا جماعة بيدفيني بالشتوية . ما بدي قصو .. بالزور القص !!


يارب يكون هالموضوع عجبكون
ناطرة ردودكون و تقيمكون :b22:

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

‏ليست هناك تعليقات:

إرسال تعليق